ສືບຕໍ່ເພີ່ມພູນຄູນສ້າງການພົວພັນຮ່ວມມື ຮອບດ້ານລະຫວ່າງ ກຳປູເຈຍ-ຫວຽດນາມ
ຕາມຂ່າວສານຊິນຮວາລາຍງານ ວັນທີ 4 ມັງກອນ ນີ້ວ່າ: ເນື່ອງໃນໂອກາດສະເຫຼີມສະຫຼອງ 45 ປີແຫ່ງວັນໄຊຊະນະ
ວັນທີ 7 ມັງກອນ, ວັນປົດປ່ອຍປະເທດ ກຳປູເຈຍ ຫຼຸດພົ້ນອອກຈາກລະບົບດັບສູນເຊື້ອຊາດໂປນປົດ (7/1/1979-7/1/2024),
ເວັບໄຊຂອງສະພາບັນດິດ ພະບໍລົມວົງສານຸວົງ ກຳປູເຈຍ (RAC) ໄດ້ລົງບົດຂຽນຂອງ ທ່ານ ອູ ແຫຼງ, ນັກຄົ້ນຄວ້າ ຢູ່ RAC
ດ້ວຍຫົວຂໍ້ “ສະເຫຼີມສະ ຫຼອງ 45 ປີແຫ່ງວັນໄຊຊະນະ ວັນທີ 7 ມັງກອນ.
ຫວຽດນາມ ແລະ ກຳປູເຈຍ ສືບຕໍ່ເພີ່ມພູນຄູນສ້າງການພົວພັນຮ່ວມມືໃນທຸກຂົງເຂດ ແລະ ທຸກຂັ້ນ”. ບົດຂຽນໄດ້ເນັ້ນ
ໜັກເຖິງຄວາມໝາຍຂອງເລື່ອງປະຊາຊົນ ກຳປູເຈຍ ໄດ້ຮັບການກູ້ເອົາຊີວິດ ແລະ ປົດປ່ອຍໃຫ້ຫຼຸດພົ້ນອອກຈາກລະບົບດັບ
ສູນເຊື້ອຊາດ ໂປນປົດ, ເຊິ່ງເຮັດໃຫ້ປະຊາຊົນກຳປູ ເຈຍກວ່າ 3 ລ້ານຄົນເສຍຊີວິດ. ທ່ານ ອູ ແຫຼງ ໃຫ້ຂໍ້ສັງເກດວ່າ: ປັດຈຸບັນ
ການພົວພັນລະຫວ່າງ ກຳປູເຈຍ ແລະ ຫວຽດນາມ ໄດ້ພັດທະນາຢ່າງບໍ່ຢຸດຢັ້ງໃນຫຼາຍຂົງເຂດ, ນຳຜົນປະໂຫຍດທີ່ແທດຈິງ
ມາໃຫ້ປະຊາຊົນສອງປະເທດ. ນີ້ບໍ່ພຽງແຕ່ແມ່ນການພົວພັນທີ່ເປັນມູນເຊື້ອ, ຖານບ້ານໃກ້ເຮືອນຄຽງເທົ່ານັ້ນ ຫາກຍັງແມ່ນ
ການພົວພັນຮ່ວມທຸກຮ່ວມສຸກ ໃນພາລະກິດແຫ່ງການຕໍ່ສູ້ປົດປ່ອຍຊາດ, ສ້າງສາ ແລະ ພັດທະນາປະເທດຊາດ.
ບົດຂຽນໄດ້ສະເໜີບົດລາຍງານຂອງກະຊວງແຜນການ ແລະ ການລົງທຶນ ຫວຽດນາມ ໂດຍໃຫ້ຮູ້ວ່າ: ໄລ່ຮອດປີ 2023,
ຫວຽດນາມ ມີ 206 ໂຄງການລົງທຶນຢູ່ ກຳປູເຈຍ ດ້ວຍຍອດເງິນຈົດທະບຽນບັນລຸເກືອບ 3 ຕື້ ໂດລາ. ຫວຽດນາມ ກໍນອນໃນ
ລຳດັບ 5 ປະເທດ ທີ່ມີເງິນລົງທຶນໂດຍກົງຈາກຕ່າງປະເທດສູງທີ່ສຸດຢູ່ກຳປູເຈຍ. ທ່ານ ອູ ແຫຼງ ຖືວ່າການຮ່ວມມືດ້ານເສດຖະ
ກິດ, ການຄ້າ, ການລົງທຶນແມ່ນກຳລັງໜູນສຳຄັນໃນການຊຸກຍູ້ການພົວພັນ “ຖານບ້ານໃກ້ເຮືອນຄຽງທີ່ດີງາມ, ສາຍພົວພັນມິດ
ຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງຍາວນານ” ລະຫວ່າງກຳປູເຈຍ ແລະ ຫວຽດນາມ.
ແຫຼ່ງທີ່ມາ: ໜັງສືພິມກອງທັບ
ວັນທີ 08/01/2024